'arHa QonoS

betleH

banner

2021 DIS wa'maH wa' jar wejmaH jaj

toH, qenHa' jIqon. jIvumqu'! 'ach DaH tlhIngan Hol vIqeq vIneHqu' vaj DaH jIqonqa'.

DaH, paq nojwI' tumDaq jIba'taH. naDev, jIqonlaH 'e' vItul. ben law', ghojmoHwI' jIHtaHDI', pIj naDev jIlaD 'ej meqmey law' vIHaD.

'ach qenHa' nojwI' tum vIchegh. 'oH vItIvqu'. pIw vItIv! paqmey rur pIwvam! 'ej DaqvamDaq, bIr muD, 'ej tam Hoch.

qen {QelIS boqHarmey} (mughta' Quvar) vIlaDchoH. 'oH vItIv, 'ach jIHvaD Qatlhlaw'. DaH jIlaDlaHqu'be'. 'ach qen {'aS 'IDnar pIn'a' Dun} (mughta' DeSDu') vILaDta' 'ej vItIvqu'qu' jIH! QelIS'e', qatlh Qatlh paq cha'DIch? jISovchu'be', 'ach chaq jIjanglaH: paqwIjDaq, DIvI' Hol, tlhIngan Hol je laDluH. SuvwI' Hol lo'bogh mu'tlhegh meS tu'lu', ghIq DIvI' Hol lo'bogh mu'tlhegh meS nargh. vaj, jIlaDlI'DI', lenglaw' mInDu'wIj 'ej loQ jIngorlaw'. 'e' vInIDbe'! pay' qaS! vaj tlhIngan Hol neH vIbuSlaHbe'. (tugh tlhIngan Hol lo'bogh paqna' vIje'laH, ngugh jIbuSlaHchu' 'e' vIHar!)

nuq bolaDlI' tlhIH?

toH! 'ej qen HaSta muchHommey puS vIlabta', YouTube vIlo'! vaj yIghan! {Klingon with 'arHa'} 'oH mIr pong'e'!

- 'arHa

banner

2021 DIS Soch jar jav jaj

'eQ juHwIjDaq jIpawta'. Hogh vorgh, raQHom wIDabpu' jIH bangwI' juppu'Daj je. {*july loS} wIlop... toH, lopvam luloppu' chaH.

lopvam vItIvbe'qu'. 'amerI'qa' SepjIjQa' vIquvqangmoHbe' jIH. 'amerI'qa' van bom vIbomqangbe'. DavHam neH ghaj wo'na' net Sov.

{tlhIngan wo' bopbogh De' HIghelQo'. torSIv Dogh 'oHba' lutvetlh.}

'ach raQHom wIDabtaHvIS, mubelmoHbogh wanI'mey law' DIDapu'. {Ozark} bIQtIqDaq malengpu', {kayak} DujHommey DIlo'taHvIS. bong qaw' DujwIj! 'ach bIQDaq luchwIj vIchIlbe'.

nI' lengmaj. tagha' juHHommajDaq macheghta' jIH bangwI' je. jIDoy'qu'! 'ach wa'leS Qu'na'wIjDaq jIvumnIS 'ej taghqa' taghqa' yInwIj motlh. Do'Ha'!

- 'arHa

banner

2020 DIS wa'maH wa' jar cha' jaj

Hoghvam, 'amerI'qa' SepjIjQa'Daq qaS leHmeH mIw. jISeyqu'! chaq QaplaH *bIyDen, 'ej chaq QaplaH *tIrump. cha' DuHvetlhmey vIparqu' jIH... jIQuchbe'.

SepjIjQa'Daq woQ QIv tu'lu'. nuq vIwIv, Sep vIche'chugh? vIwIvqangbe'. che'wI' vIghaj vIneHbe'. 'ach way'ar vIneHbe'ba', roj vIneHqu' jIH!

'ej DaHjaj "journaly.com" vImuvta'! nIqHom chu' 'oH 'ej Holmey ghojmoHwI'vaD cher "Robin MacPherson." SoHDuSDaq muchwI' noy' ghaH. chaq tlhH jatlhwI'pu' puS bonejlaH, nIqHomvetlhDaq!

yIpIv'eghmoH! - 'arHa

banner

2020 DIS wa'maH jar wejmaH jaj

DaHjaj ram jIDoy'qu'. jIQonglaHbe', 'ach jIDoy'. DaHjaj pagh vIta'... 'a Hoch jaj jIqon 'e' vI'Ip, vaj jIqon.

banner

2020 DIS wa'maH jar cha'maH Hut jaj

toH, tlhIngan Hol ghItlhmey vIqonchoH vIneH. DaH, nom tlhH vIjatlh'IS 'a jIqon 'e' vItaghDI', jIbach. 'ej QIt vIqon. vaj, DaHjaj ram QonoSvam vIcher. DalaDlaH'a'? tobejjjj.

jIH'e' qaS nuq? pagh. javtIm'a'mo' juHwIjDaq jIratlh 'ej jIvum... vIraS Hol je ghangDong Hol vIHaD, 'ej tlhH vIqeqba'. SoHDuSDaq SoQmey law' vIbej 'ej rut pIj mavut, juH qoch je jIH.

toH, tugh vIqonqa'. ghItlh tIqu' vIqonchoH 'e' vInab, 'a DaHjaj ram ghItlh mach vIqonta'. -- 'arHa

banner

qagh

'Iw Dargh Qeb vInDa' Hem 'oH navvam'e'. (per yI'uy!)

Blood Tea Webring

'arHa juH yIchegh.